शिववंदना

छत्रपती शिवरायांना मुजरा मानाचा l

सिंहासनाधिपती झाला,राजा आमचा ll

अग्निकंकण स्वराज्याचे,हाती बांधियले

आशिष मातृहृदयाचे,शिवबास लाभियले l

हुंकार मना-मनातील कृतीत उमटले

आज राजे शिवाजी,छत्रपती जाहले ll

गान शौर्याचे,दशदिशांत निनादले

तोरण विजयाचे,घरोघरी लागले l

अर्ध्य सप्त-सरितांचे,शिवसुर्यास अर्पियले

आज राजे शिवाजी,छत्रपती जाहले ll

मंत्रोच्चारे,छत्र-चामरे,मस्तकी ढाळीले

नजराणे बहु नम्र,शिवदरबारी आले l

ध्वजकेसरी बुरुजावरी,अभिमाने फडकले

आज राजे शिवाजी,छत्रपती जाहले ll

करवूनी राज्याभिषेक,स्वराज्यास गौरविले

रायगडीचे सिंहासन तेजाने तळपले l

हाती घेतल्या राजदंडाने देश-धर्म रक्षियले l

आज राजे शिवाजी छत्रपती जाहले ll

छत्रपती शिवरायांना मुजरा मानाचा l

त्रिवार करूया मुजरा मानाचा ll

Have you also read?

The Tipsy Marketer