अबोल वृक्ष हा बोलतो काही

गूज मनीचे सांगू पाही l

निष्पर्ण जरी मी एकाकी

फुलांनींही साथ सोडली ll

लोपले हिरवे वैभव सारे

हवा पावसाळी जरी कुंद जाहली l

पानगळीचे मज दुःख नाही

जलरत्ने घेऊनी ऋतु वर्षा आली ll

पाऊसकाळी पहाट वेळी

तरुवर जलात भिजली l

जलबिंदूंनी फांदी-फांदी सजली

चक्षूस या हिरेजडित भासली ll

सुख-दुःखाचे ऋतु येती जाती

तुटती जरी नाती-गोती l

हृदयी ओल धरुनी राही

ऋतू हिरवा फुलेल देही ll

Have you also read?

The Tipsy Marketer

अबोल बोल वृक्षाचे