Rangabhed | रंगभेद 🌈

भक्तीचा मार्ग एकच

तरी पंथ वेगळे केले |

रंग इंद्रधनूतील माणसाने

आपसात वाटून घेतले |

भगवा,हिरवा,निळा,पांढरा

भेद रंगांचे जीवापाड जपतात |

पण,रंग रक्ताचा लाल एकच

मर्म हे कसे,सारेच विसरतात..? |

रंग मिळूनी नभी इंद्रचाप खुलतात

करुनी वेगळे इथे भिंती उभारतात |

निर्जीव भिंतींच्या या रंगांसाठी

देह सजीवांचे का रक्ताने माखतात..? |

तुमच्या आमच्या प्राणासाठी

सैनिक जीवाचे मोल देतात |

नका विसरु ते सीमेवरती

देशासाठी शहीद होतात l l

रचनाकर्ती - अॅड.अनिता भि. देशमुख

Have you also read?

The Tipsy Marketer